Welkom oppe site van D'n Uul van den Grauwert

Rectificatie aanvang optoch

In `t kirkeblaedje stóng ten ónrechte vermeldj, det d'n optoch begintj óm èlf euver ein. Det is echter neet `t geval. Wie aljaors begintj d'n optoch óm èlf euver twieë (14.11 oere).

Optoch

Luuj oet Mofert en ómstreke,

Nag effe en den steit weer oze lange en sjoeane vastelaovesoptoch op 't program. Haopelik kónne veer weer get sjoeans verwachte dit jaor, net zoea wie de lèste jaore. Wiltj geer ouch mit doon op maondig 20 februari, dan kóntj geer uch opgeave mit dit opgaafformeleer. Opgaeve kan toet zóndig 19 februari veur 12 oere smiddes bie Willem van Pol, Bosring 9 of  Bert Heijnen, Vinkesteeg 2.

Dankwaord

Bèste miense,

Zónjig 22 januari is de receptie gewaes van Prins Thijs II en Prinses Sanne. Veer wille uch, ouch namens `t prinsepaar, adjudante en jubilarisse, hieël hertelik bedanke veur `t laote slage van dees receptie. Ederein waat gekómmen is wille veer bedanke veur de felicitaties, cadeautjes, blome en al `t angere waat geer höbtj aangebaoje.

Ouch wille veer langs deze waeg ederein bedankte waat op waatfer meneer dan ouch mit haet geholpen aan oos fieësweekend, zoeawaal mitte Moferter Aovendj es mitte receptie.

Miense BEDANK!

Vastelaovesvereniging "Den Uul van den Grauwert"

Prinseschlager Prins Thijs II

De men van Nieks Verlaore höbbe ouch dit jaor weer `nen echte prinseschlager opgenómme. Deze schlager steit gans in `t teike vanne liefspreuk van Prins Thijs II: "Tekieër gaon wie `n bieës, deze vastelaovendj wuuertj ein groeat fieës!". Gehieël inne stiel vanne spreuk höbbe ze de meziek genómme vanne bekindje Pruse fieëshit "Kenn nicht deinen Namen - scheißegal" van Peter Wackel. Sjors Peeters haet d'r `ne Moferse teks op gemaak en de nuutste schlager van Nieks Verlaore waas gebaore: "Tekieër gaon".