Zónjig 22 januari is de receptie gewaes van Prins Thijs II en Prinses Sanne. Veer wille uch, ouch namens `t prinsepaar, adjudante en jubilarisse, hieël hertelik bedanke veur `t laote slage van dees receptie. Ederein waat gekómmen is wille veer bedanke veur de felicitaties, cadeautjes, blome en al `t angere waat geer höbtj aangebaoje.
Ouch wille veer langs deze waeg ederein bedankte waat op waatfer meneer dan ouch mit haet geholpen aan oos fieësweekend, zoeawaal mitte Moferter Aovendj es mitte receptie.
Miense BEDANK!
Vastelaovesvereniging "Den Uul van den Grauwert"
Prinseschlager Prins Thijs II
De men van Nieks Verlaore höbbe ouch dit jaor weer `nen echte prinseschlager opgenómme. Deze schlager steit gans in `t teike vanne liefspreuk van Prins Thijs II: "Tekieër gaon wie `n bieës, deze vastelaovendj wuuertj ein groeat fieës!". Gehieël inne stiel vanne spreuk höbbe ze de meziek genómme vanne bekindje Pruse fieëshit "Kenn nicht deinen Namen - scheißegal" van Peter Wackel. Sjors Peeters haet d'r `ne Moferse teks op gemaak en de nuutste schlager van Nieks Verlaore waas gebaore: "Tekieër gaon".
Vastelaovesgezèt verkoupe | zaoterdig 14 jannewarie | inne straote van Mofert
Op zaoterdig 14 jannewarie kómme de leje van KV d’n Uul van den Grauwert bie uch ane deur
om de bèste vastelaovesgezèt van Limburg te verkoupe. De redaksie begintj binnekort aan ’t
samestèllingstrajek vanne gezèt. Ouch geer kintj hie aan mèt helpe. Witj geer gebeurtenisse of
verhaole die absoluut ’t vermelje inne gezèt waerd zeen, twiefel dan neet en num kóntak op mèt ein
vanne redaksieleje. Dink geer nag mieër te kinne beteikene veur de vastelaovesgezèt en wiltj geer
toetraeje toet de redaksie? Det kan! De redaksie zeuk enthousiaste Moferter die ’n steinke wille
biedrage aan dees geweldige gezèt! Melj uch dan biej Johan van Pol.
Moferter Aovendj | 21 jannewarie 2012 | Sporthal "de Koeweide"
In ’t weekend van 21 en 22 jannewarie zal sporthal "De Koeweide" weer omgeboewdj waere toet ’n
groeat fieëspaviljoen. Op 21 jannewarie vintj de Moferter Aovendj plaats, ‘ne aovendj vol buutte,
kolder en meziek. ’t Programma is al groeatendeils róndj. Oppe bühn staon dit jaor ónger angere
Kartoesj, oos eige La Bamba en ’n drietal buuttereedners. Entreekaarte zeen te koup vanaaf de
kersmert!
Prinsereceptie | 22 jannewarie 2012 | Sporthal "de Koeweide"
Op zondig 22 jannewarie 2012 zeentj g’r inne gelaegenheid om oze Prins te komme felicitere oppe
prinsereceptie, ouch inne sporthal. Dit geldj neet allein veur oze prins, mer ouch veur oos jubilarisse
van dit jaor.
Zondig 5 fibberwarie vorme de Moferter kefees en straote ’t dekaor veur ’t zoväölste Zate
Hermeniekes Festival. ’n Groeat aantal joekskapelle en zate hermeniekes trèkke door de Moferter
straote van kefee nao kefee om ‘ne goeaj te doon nao de felbegeerdje wisselbaeker.
Prins Thijs II en Prinses Sanne
Tekieër gaon wie 'n bieës, deze vastelaovendj wuuertj ein groeat fieës!
Actueel
