Welkom oppe site van D'n Uul van den Grauwert

Dankwaord Prins Thijs II

En den is `t allemaol alweer veurbie. Wat ein geweldig vastelaovessezoen höbbe veer achter de rök. ´t Woor kort maar krachtig dit jaor.  Vanaaf `t oetrope op 12 november 2011 tot en mit aswoonsdig waor `t ein extaas van vreugde, lach, plezeer en natuurlijk de aafsloeting mit ein traon. Ich wil Karnavalsvereniging “D’n Uul van den Grauwert” bedanke det zie ós de meugelijkheid en ’t vertroewe höbbe gegeaeve óm dit jaor veurop te moge loupe. Veer es prinsenpaar en adjudante höbbe d’r alles aan gedaon eder gebeurtenis oet te boewe toet ein fieës!

Allein kins se es prinsenpaar ouch gein fieës make; dao höbs se alle luuj oet `t dörp veur nuuedig. V’r wille de luuj oet Mofert den ouch bedanke veur euch aanwezigheid en häör mitdoon tiedes alle evenemente die rondjóm de vastelaovend en mit die daag zelf plaats höbbe gevónje. Dees luuj zorge d’r nag altied veur det vastelaovendj in Mofert laef en det dae ane volgende generatie wuuerdj doorgegaeve.

Luuj bedank! Ich wil dit waord van dank aafsloete mit miene spreuk:

Tekieër gaon wie ’n bieës, deze vastelaovendj wuuertj ein groeat fieës!